Për stabilizimin e ekonomisë në situatën e jashtëzakonshme qeveria do të sigurojë përkrahje financiare për bizneset më të prekura nga kriza me koronavirusin. Kjo do të bëhet nëpërmjet Bankës Bullgare për Zhvillim, e cila në rast të nevojës do të marrë nga shteti deri më 250 mln. euro. Përkohësisht shteti do të paguajë 60% prej pagave të nëpunësve, të cilët në se nuk aplikohet kjo masë do të humbin punën e vet.

“Por në situatën e krizës s’ka se si të kompensojmë të gjitha efektet negative. Me siguri do të ketë biznese, të cilat nuk do të mund të vazhdojnë veprimtarinë e tyre. Ndoshta do të ketë punëdhënës, të cilët do të dalin nga tregu i punës”, tha Ministri i financave Vlladisllav Goranov. Buxheti nuk mund të zëvendësojë ekonominë, por me përjashtim të masave për shmangien e grumbullimit të njerëzve, e gjithë veprimtaria ekonomike mund të zhvillohet pa pengesa, nënvizoi Ministri.