Ministria e Punëve të Jashtme e Bullgarisë këshillon shtetasit bullgarë të mos udhëtojnë jashtë vendit. Në të gjitha itineraret tokësore në drejtim të Bullgarisë ka probleme apo është ndaluar kalimi i kufijve – nga Italia, Austria, Sllovenia, Kroacia, Hungaria, Serbia, Shqipëria, Republika e Maqedonisë së Veriut, Rumania. Situata ndryshon çdo minutë, tregojnë të dhënat e përfaqësive diplomatike të Bullgarisë në këto shtete.

Qeveria shqiptare mori vendim që nga 15.03.2020, ora 00:00, të gjitha vendkalimet kufitare tokësore të Shqipërisë me vendet fqinje si: Mali i Zi, Kosova, Maqedonia e Veriut dhe Greqia të jenë të mbyllura për të gjitha mjetet e transportit publik dhe privat deri në njoftim të dytë. Kjo masë nuk ndikon në transportin e mallrave. Transporti ajror po bëhet gjithnjë e më i rrallë dhe shumë udhëtime rrezikojnë të anulohen.

Ambasada e Republikës së Shqipërisë këshillon të gjithë shtetasit shqiptarë, që janë në Bullgari të mos ndërmarrin udhëtime drejt Shqipërisë deri në përmirësim të situatës.Në rastet e nevojës për asistencë, shqiptarët mund të kërkojnë ndihmë në numrin e emergjencës së Përfaqësisë +359 894 311 493 ose në adresën e e-mail embassy.sofia@mfa.gov.al.

Ambasada e Republikës së Kosovës, në kuadër të kapaciteteve që ka, gjithashtu ofron informacione dhe ndihmë. “Mundësitë tona financiare për t'ju ofruar përkrahje janë të kufizuara, andaj udhëzojmë të gjithë bashkatdhetarët që të vetizolohen në vendbanimet e tyre. Qëndroni aty ku jeni! Mos udhëtoni!” – është shkruar në faqen e internetit të ambasadës - http://www.ambasada-ks.net/bg/. Numri emergjent i Përfaqësisë së RKS-së në Sofje është +359 2 983 39 99.