Shteti bën përpjekje të mëdha për të siguruar funksionim norma të spitaleve në kushtet e epidemisë, për të qenë ato të përgatitura për një fluks më të madh eventual të të infektuarve.

Tani për tani Bullgaria e ka kufizuar përhapjen e virusit, kurse numri i njerëzve të testuar për COVID-19 është në përputhje me nivelin mesatar në vendet e tjera, tha në brifingun e radhës të Shtabit operativ kombëtar për kundërvënien e koronavirusit gjen. major Vencisllav Mutafçijski.

Ai shtoi se sipas rekomandimeve të Shtabit në të gjitha spitalet në Bullgari me përjashtim të spitaleve onkologjike duhet të krijohen reparte të posaçme për të infektuarit me koronavirus. Mutafçijski përmendi dhe mobilizimin e bullgarëve në fushata bamirëse dhe motivacionin e shoqërisë për të përballuar situatën e krijuar.