Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

95 për qind e nxënësve në Bullgari mësojnë në distancë

Foto: BTA

Nxënësit kanë dëshirë të kthehen sa më shpejt në klasat e mësimit, pasi tashmë tri javë me radhë ata mësojnë në distancë. Sipas informacionit të Agjencisë Telegrafike Bullgare (BTA) 700 mijë nxënës dhe 60 mijë mësues bullgarë janë përfshirë në këtë proces. Në të njëjtën kohë2 mijë mësues dhe 70 mijë fëmijë bullgarë nuk kanë mundësi teknike për këtë.

Sipas Ministrit të Arsimit Krasimir Vëllçev janë parashikuar nga 1 deri në 2 mln leva nga programi “Shkenca dhe arsimi për rritjen inteligjente” për furnizimin e mësuesve me teknikën e domosdoshme. Operatorët mobilë nga ana e vet janë angazhuar për të krijuar wi-fi pika në lagjet dhe fshatrat me popullsi rome.

Mundësi të tjera për mësimdhënie jashtë klasave të mësimit janë puna me anë të telefonit, si dhe nëpërmjet materialeve mësimore që dorëzohen në shtëpitë e fëmijëve nga të ashtuquajturat “mediatorë arsimorë”. Pas heqjes së gjendjes së jashtëzakonshme këta nxënës mund të kenë më shumë orë mësimore, premtoi Ministri.  

Sipas të dhënave të Ministrisë së Arsimit dhe Shkencës 95 për qind e nxënësve marrin pjesë në mësimdhënien elektronike. Krasimir Vëllçev rekomandon lehtësimin e regjimit shkollor nga 13 deri në 16 prill para pushimeve pranverore të cilat do të koincidojnë me festat e Pashkëve nga 17 deri në 20 prill.

Më të përgatitur për procesin digjital mësimor nga të gjitha 2400 shkollat në Bullgari janë ato private dhe kjo është e kuptueshme, sepse ato disponojnë resursin e domosdoshëm dhe nuk i përdorin dhomat virtuale të mësimit për herë të parë. Në skajin tjetër është arsimi i fëmijëve të të ashtuquajturave “grupe të rrezikuara”.Sipas Millko Stojanovit - “mediator arsimor” në lagjen me popullsi rome “Stolipinovo” në Plovdiv kushtet atje nuk lejojnë zhvillimin e mësimeve online.Meqenëse atje pothuajse nuk ka nxënës që disponojnë teknikën e nevojshme për zhvillimin e mësimeve në distancë, ai dhe mediatorët e tjerë i ndihmojnë fëmijët në mësimet në shtëpi – i sjellin materiale mësimore, u dërgojnë mësuesve detyrat e shkruara të shtëpisë etj.

Nga pikëpamja e prindërve arsimi në distancë është i vështirë, por i mundshëm, është e mendimit Feride Jusein, nënë e një djali në klasën e parë dhe e dy vajzave në klasën e katërt dhe në klasën e shtatë. Të gjithë ata i shohin së bashku videot në sajtin ucha.se, dëgjojnë incizimet e mësimeve dhe plotësojnë teste të ndryshme, të cilat u dërgojnë mësuesve me anë të Wiber dhe Messenger. Vetë Feride Jusein do të japë provime studentore, që të bëhet mësuese. Si mediatore në një kopsht fëmijësh në qytetin Plovdiv ajo viziton çdo ditë mëhallët, që të sqarojë rreziqet e koronavirusit dhe t’i inkurajojë njerëzit për të mbajtur një higjienë të mirë. Ata nga ana e vet e mirëpresin me fjalët: “Kur do të fillojë të punojë kopshti i fëmijëve”  

Edhe në qytetin e vogël Vërshec 95 për qind e fëmijëve mësojnë online. Ditët e para ishin më të rënda, derisa të hyjnë në ritëm të gjithë, thotë mësuesja Venisllava Zamfirova, e cila aktualisht punon si pedagoge në shkollën e mesme “Ivan Vazov”.

“Nuk mund të them se ky lloj mësimdhënieje është kaq i vështirë, sepse mësuesi është i zhdërvjellët – vuri në dukje ajo para Radio Vidinit. – Kjo që na shqetëson më shumë është pamundësia të dalim jashtë dhe të shëtitim. Jam optimiste dhe mendoj se gjithçka do të mbarojë në fund të prillit dhe do ta rivendosim përsëri ritmin e vjetër, edhe pse me pak vështirësi.”  

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Natalija Efremova

Interes rekord për programin "Unë Zgjedh Bullgarinë" të drejtuar për bullgarët jashtë vendit

Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..

botuar më 25-10-11 11.00.PD

Radioja Kombëtare Bullgare dëshiron të zgjerojë transmetimet e saj në Moldavi

Radioja Kombëtare Bullgare (BNR) mund të zgjerojë transmetimet e saj në Moldavi, veçanërisht në rajonin e Taraklias. Kjo u diskutua nga Ambasadori i Republikës së Moldavisë në Sofje Emil Zhakota dhe Drejtori i Përgjithshëm i BNR-së Milen Mitev,..

botuar më 25-10-10 1.08.MD

Për të tretin vit radhazi, mjekët bullgarë ofrojnë ekzaminime mjekësore falas në Prespë të Vogël

Për të tretin vit radhazi, fondacioni “Kujtesa Bullgare” i Dr. Milen Vrabevskit   organizon dhe financon ekzaminime mjekësore falas për banorët e rajonit të Prespës së Vogël në Shqipëri - një rajon i populluar nga banorë me origjinë bullgare...

rinovuar më 25-10-09 1.51.MD