Ministri i shëndetësisë do të caktojë me akt masat kundër epidemisë. Kjo do të bëhet pas miratimit të propozimeve të bëra nga ana e kryeinspektorit sanitar shtetëror dhe e inspektorëve rajonal të shëndetësisë. Kjo është parashikuar në projektin e ndryshimeve të Ligjit për Shëndetësinë.

Ndryshimet do të hyjnë në fuqi pas fundit të gjendjes së jashtëzakonshme dhe po diskutohen në lexim të parë në Kuvendin Popullor.

“Patriotët e Bashkuar”, të cilët janë pjesë e koalicionit qeverisës deklaruan se do të përkrahin ndryshimet. Partitë opozitare Lëvizja për të Drejtat dhe Liritë dhe “Volja” gjithashtu shpallën se do të votojnë “pro” masave të reja.

Vetëm opozitarët nga Partia Socialiste Bullgare deklaruan se do të abstenojnë. Sipas tyre regjimi i “situatës së jashtëzakonshme sanitare” nuk është bazuar në Kushtetutë.