200 veta nga lagja e romëve “Iztok” në Kjustendill, i cili është mbyllur që nga 19 qershori për shkak të numrit të madh të të infektuarve me koronavirus, do të marrin pjesë në mbledhjen e qershive.

Lagja është rrethuar me postblloqe me qëllim kufizimin e sëmundjes, tha prefekti i Kjustendillit Viktor Janev.

Sipas të dhënave të shpallura prej tij gjatë 24 orëve të fundit janë konfirmuar 19 raste të Covid-19 në lagje – më pak në krahasim me ditët e tjera dhe kjo jep shpresë se përhapja e virusit është frenuar.

Kryetari i vatrës së kulturës në lagjen “Iztok” Petër Igov tha se masat e karantinës janë tepër të rrepta dhe i kundërshtojnë ligjit dhe prandaj do të kërkojë të drejtat e banuesve në gjykatë.