Në fillim të seancës së sotme të parlamentit GERB dhe Partia Socialiste Bullgare lexuan deklarata të cilat dënojnë përplasjet në protestën e djeshme antiqeveritare. Deputeti nga GERB Toma Bikov provokoi pakënaqësinë e së majtës duke akuzuar Partinë Socialiste Bullgare se hyn në skenarin kriminal të biznesmenit Vasill Bozhkov. “Pushteti në një shtet demokratik nuk merret me gjak, por jepet dhe merret me zgjedhje”. Kjo provokoi reagim të ashpër nga deputetët e PSB-së dhe ata brohoritën “Dorëheqje”. Nga partia kërkuan që ministri i brendshëm Mlladen Marinov të dëgjohet në parlament për veprimet e policisë në kohën e protestave.

Sot pritet që PSB të paraqesë votën e pesë të mosbesimit ndaj kabinetit të kryeministrit Bojko Borisov dhe herën e dytë tema është korrupsioni.