Kolegji i Prokurorëve të Këshillit të Lartë Gjyqësor doli me një deklaratë në të cilën shprehet shqetësim nga sulmet e vazhdueshme dashakeqe kundër prokurorisë së shtetit. Kjo deklaratë u provokua nga një video e kryetarit të lëvizjes “Po, Bullgaria” Hristo Ivanov, e cila sipas kolegjit është një formë e presionit politik mbi pavarësinë e prokurorisë dhe një provë për diskreditimin e saj para shoqërisë bullgare dhe partnerëve evropianë. Prokurorët janë të mendimit se akuzat për korrupsion, shpërdorim të pushtetit, angazhime politike si dhe kërkesat për dorëheqjen e kryeprokurorit Ivan Geshev “përçmojnë pavarësinë dhe përdhosin prestigjin e prokurorisë dhe pushtetit gjyqësor”.

Dokumenti do t’i dërgohet Komisionit Evropian, Parlamentit Evropian dhe ambasadave të të gjitha shteteve anëtare të BE-së në Bullgari, ShBA-së dhe Mbretërisë së Bashkuar të Britanisë së Madhe.