Sofja u gdhi prapë me tri udhëkryqe të bllokuara pasi gjatë natës pjesëmarrësit e protestave antiqeveritare prapë bllokuan kryqëzimin para Universitetit të Sofjes. Mbeten kampet me tenda në Urën e Shqiponjave dhe para Këshillit të Ministrave. Më 10 gusht protestuesit siç deklaruan “në shenje të vullnetit të mirë ndaj shtetasve të tjerë” çliruan udhëkryqin para Universitetit të Sofjes. Në orën 10 nga sheshi para tempullit monument “Aleksandër Nevski” në qendrën e Sofjes do të nisë një protestë me vetura me kërkesë për dorëheqje të qeverisë. Pjesëmarrësit do të kalojnë nëpër autostradën “Trakija” deri në qytetin Pazarxhik dhe do të kthehen. Organizator është Lëvizja “Së bashku”. Një protestë tjetër organizon Partia MIR para godinës së Këshillit të Ministrave me kërkesë për votim elektronik në zgjedhjet parlamentare. Vazhdojnë protestat dhe bllokimi i udhëkryqit para bashkisë së qytetit Varna. Dega turistike u bëri apel protestuesve të mos bllokojnë bulevarde në kulmin e stinës turistike. Në qytetin Bllagoevgrad një skandal u shpërthye pas botimit të një video në rrjetet sociale ku tregohet se si protestuesit ruajnë në godinën e bashkisë teknikën dhe flamujt për protestat, njoftoi Televizioni Kombëtar Bullgar.