Ditën e 48 të protestave mbeten të bllokuara tri udhëkryqe kryesore në Sofje. Protestuesit paralajmërojnë se në qoftë se Kryeministri Bojko Borisov vazhdon t’i nënvlerësojë kërkesat e tyre, më 2 shtator do të zhvillojnë një aksion të madh para Këshillit të Ministrave dhe do të organizojnë një demonstratë më drastike civile.

Ndërkaq, në një kontra protestë në kryeqytet afër Pallatit Kombëtar të Kulturës në Sofje të pakënaqurit nga bllokadat, grumbullojnë nënshkrime, të cilat do t’i parashtrojnë në Prokurori. Ata deklarojnë se në mbrëmje përsëri do të jenë para godinës së Ambasadës së Rumanisë që të parandalojnë bllokimin e një udhëkryqi kryesor në pjesën qendrore të qytetit.