Ditën e 49 vazhdojnë bllokimet me kampet me tenda në udhëkryqet kryesore në Sofje si një formë e pakënaqësisë kundër kryeministrit Bojko Borisov dhe kryeprokurorit Ivan Geshev. Për sot aktivistë të shoqatës civile “Boec” u shpallën protestë në kohën e inaugurimit të linjës së tretë të metrosë së kryeqytetit. Ata planifikojnë t’i drejtojnë pyetje kryetares së bashkisë Jordanka Fandëkova lidhura me riparimet me cilësi të ulët, me prokurimet publike, me ndërtimin e tepruar etj., transmetojnë reporterët e BNR
Krahas protestave vazhdojnë edhe kundraprotestat në të cilët mblidhen nënshkrime për impeachment  të presidentit Rumen Radev. Lista me nënshkrimet që përhapet në rrjetet sociale mblodhi më se 9 mijë nënshkrime, sipas Radio Bullgarisë. Sipas kundërprotestuesve presidenti vendos “kaos në marrëdhëniet midis institucioneve”, “u bën thirrje njerëzve të revoltojnë” dhe është “për politikë të jashtme e cila e largon Bullgarinë nga BE dhe nga vendet partnere të NATO-së”.