Situata para godinës së re të Kuvendit Popullor ku para dite u zhvillua një protestë antiqeveritare nën moton “Kryengritja e madhe popullore” në momentin e tanishëm është e qetë. Pritet që protestuesit të kthehen për protestën e mbrëmjes, njofton BNR.

Disa prej protestuesve u arrestuan për shkak të mbajtjes së sendeve të paligjshme, për marrjen e atributeve policore, për ngjitjen mbi automobilat policore, njoftojnë nga Ministria e Punëve të Brendshme.

Si rezultat i përplasjeve para parlamentit 45 veta u dëmtuan dhe kërkuan ndihmë urgjente mjekësore ndërsa 6 veta u hospitalizuan njoftuan nga Urgjenca. Ata u dëmtuan nga gaz, sende të hedhura etj. Ndër të dëmtuarit ka policë, protestues, gazetarë.

Këshilli i Mediave Elektronike përhapi një deklaratë në të cilën dënon çdo dunë e cila shkel të drejtat dhe liritë njerëzore. Ndër të tjerët theksohet se: “Demokracia është dialog, jo luftë. Dhuna nuk është argument por pafuqi para fjalës së lirë”.