Bullgaria insiston për përpunimin e kritereve unike mes shteteve për udhëtimet në botë, që të mos mbyllen kufijtë dhe të vendoset karantinë nga sot për nesër. Nuk duhet të lejohet situata nga marsi, kur njerëzit prisnin në kufij, tha Ministrja e Jashtme Ekaterina Zaharieva para BNT-së.

Ministrja siguroi se Sofja po vazhdon të punojë me qeverinë greke për hapjen e të gjitha pikëkalimeve në kufirin tokësor. Zaharieva shënoi se tani për tani Athina nuk ka kërkuar ndihmë nga Bullgaria pas zjarrit, i cili asgjësoi kampin e refugjatëve Moria në ishullin Lesbos.

Zaharieva nënvizoi shprehimisht nevojën për një vendim unik në BE për krizën e migrantëve dhe çështjen e refugjatëve.