Festivali Piano Extravaganës është një nga ngjarjet më fine muzikore në kryeqytet. Programimi i edicionit të ardhshëm të dhjetë pati një farë ndryshimesh, por në situatën e tanishme kjo është e paevitueshme. Për shkak të situatës jo stabile, organizatorët kanë vendosur të mos ta zhvillojnë Ditën tradicionale të dyerve të hapur, që të evitojnë grumbullimin e njerëzve.
Koncertet janë tetë, dy prej tyre janë të dhomës. E përbashkëta midis tyre është pjesëmarrja e pianistit Ljudmill Angjellov, drejtor artistik i ngjarjes. Më 2 tetor, kur është dhe hapja, publiku do të ketë mundësi të dëgjojë ciklin vokal “Dashuria e poetit” nga Shumani. Partinë vokale do ta interpretojë tenori Bülent Bezdüz nga Turqia - një nga tre pjesëmarrësit e huaj. Një koncert dhome do të ketë më 4 tetor, kur violinisti i njohur bullgar Minço Minçev dhe Ljudmill Angjellov për herë të parë do të ekzekutojnë bashkë. Është parashikuar dhe një recital pianoje i pianistit rus Sergjej Redkin për /14.10./ Një nga idetë e festivalit është përkrahja e brezit të ri të interpretuesve. Sivjet përfaqësuese e talenteve të rinj është Maria-Desisllava Stojçeva /13.11./
Akoma gjatë krijimit të festivalit qe deklaruar një nga detyrat e tij bazë - popullarizimi i krijimeve në piano të cilat janë me një vlerë të lartë artistike por nuk kanë fituar një popullaritet ose kanë mbetur në hije të emrave tanimë të afirmuar. Një shembull i tillë është krijimtaria e profesorit Andrej Stojanov/ vëlla i kompozitorit Veselin Stojanov/ i njohur para së gjithësh me kontributin e vet të madh në pedagogjinë e pianos tek ne. Krijime të tij të pianos shumë pak të njohura do të interpretojë profesori Rostisllav Jovçev /10.11./
Vija e programit e quajtur "Vazhdimësia" vazhdon, në të cilën Piano Extravaganza paraqet mësues dhe nxënës, duke afirmuar lidhjen e pazëvendësueshme midis tyre. Janë parashikuar tre koncerte - të pedagoges së njohur bullgare dhe pianiste Rada Çomakova /6.10/, të profesorit Antonio di Cristofano /21.11/ i cili mbërrin nga Italia.
Koncertet do të zhvillohen në Galerinë e Qytetit të Sofjes, në sallën e dhomës “Bëllgaria” dhe në Akademinë Kombëtare Muzikore “Panço Vlladigjerov”.
Përgatiti në shqip: Nataniela Vasileva
Foto: piano-extravaganza.com, arkiv personal, Facebook / Antonio di Cristofano
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Nga 4 deri më 6 tetor, Plovdiv do të bëhet kryeqyteti i kitarës. Kjo për shkak të festivalit GuitART, i cili për të nëntin vit radhazi do të na..