Maratonistët Jozef Sbaj dhe Raduan Nuini fituan në edicionin e 37-të të Maratonës së Sofjes. Të dy ata e kaluan trasenë për 2 orë, 13 minuta dhe 3 sekonda. Fotofinishi tregoi se fitues është Jozef Sbaj.

Te femrat fituese u bë ukrainase Viktorija Hapillina, e cila kapërceu distancën e maratonës për 2 orë, 27 minuta dhe 59 sekonda.

Edicioni i sivjetshëm i kësaj veprimtarie sportive startoi në orën 9.30 nga sheshi “Batenberg” me mbi 2 700 pjesëmarrës në distancat nga 42, 21 dhe 10 kilometra.

Për shkak të epidemisë së koronavirusit nuk u zhvillua starti masiv në 3 kilometra.

Organizatorët e nismës “Sofja – kryeqytet evropian i sportit” vendosën që për çdo maratonist që startoi të ndajnë nga 1 levë për ndërtimin e sheshit sportiv për fëmijë me autizëm. Terreni tashmë është i miratuar dhe është i siguruar falas.