Në Parlament u parashtrua një kërkesë për dorëheqjen e Kryetares së Kuvendit Popullor Cveta Karajançeva. Kërkesa është përkrahur nga 96 deputetë nga Partia Socialiste Bullgare (BSP) dhe Lëvizja për të Drejtat dhe Liritë (DPS) – partia e turqve bullgarë dhe e myslimanëve të tjerë në Bullgari. Këtë e shpalli nga tribuna e Parlamentit Kryetarja e grupit parlamentar “BSP për Bullgarinë” Kornelija Ninova.

Ndër motivet për kërkesën e dorëheqjes janë se Karajançeva nuk e njeh Kushtetutën dhe shkel rregulloren e punës së Parlamentit, duke ia nënshtruar vullnetit të Kryeministrit Bojko Borisov, mosrespektimi i transparencës së punës së parlamentit etj., transmetoi BTA.

Kryetarja e grupit parlamentar të GERB-it Daniella Daritkova deklaroi se e përkrahin Cveta Karajançevën dhe akuzoi BSP-në se e shfrytëzon Parlamentin për qëllime politike, transmetuan reporterët e BNR-së.