Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ministrja Ekaterina Zaharieva ripohoi përkrahjen e Bullgarisë ndaj integrimit evropian të Shqipërisë

| rinovuar më 20-10-15 4.22.MD
Foto: BTA

Zëvendëskryeministrja dhe Ministre e Punëve të Jashtme Ekaterina Zaharieva ripohoi përkrahjen e Bullgarisë për integrimin evropian të Shqipërisë gjatë bisedimeve me homologun e saj shqiptar Gent Cakaj në Ministrinë bullgare të Punëve të Jashtme.

 “Bullgaria do të bëjë çmos, që ta përkrahë Shqipërinë në rrugëtimin e saj drejt BE-së. Tani për tani po vazhdojmë të mendojmë se do të jetë gabim, në qoftë se Shqipëria dhe Maqedonia e Veriut ndahen në procesin e negociatave. Shqipëria bëri hapa të rëndësishëm në këtë drejtim gjatë zhvillimit të reformave”, tha Ministrja e Jashtme bullgare.

Integrimi Evropian i Shqipërisë dhe mundësitë për aktivizimin e marrëdhënieve dypalëshe në fushën e bashkëpunimit, ekonomisë dhe turizmit ishin tema kryesore gjatë bisedimeve, bëri të ditur MPJ-ja bullgare.

Ministri në detyrë për Evropën dhe Punët e Jashtme të Shqipërisë Gent Cakaj njohu Ekaterina Zaharievën me zhvillimin e reformave dhe e falënderoi vendin tonë për përkrahjen e vazhdueshme në rrugëtimin e Shqipërisë drejt negociatave për anëtarësim në BE, si dhe për rolin e Bullgarisë për kthimin e Ballkanit Perëndimor në rendin e ditës të Evropës.

Ministri shprehu mirënjohjen e Shqipërisë për rolin tonë në Procesin e Berlinit dhe për përpjekjet e Bullgarisë për integrimin evropian të vendeve nga Ballkani Perëndimor. Ai vlerësoi lart edhe samitin e pritur në Sofje BE-Ballkani Perëndimor gjatë muajit nëntor, duke nënvizuar se Shqipëria i ka zbatuar të gjitha kërkesat, përfshi këtu dhe faktin se shteti është duke punuar seriozisht mbi reformën në sistemin gjyqësor.

Ekaterina Zaharieva i vlerësoi lart përpjekjet e Shqipërisë gjatë disa viteve të fundit në zhvillimin e reformave. “Ju falënderoj se duke e miratuar Ligjin për mbrojtje të pakicave kombëtare ju e njohët gjatë vitit 2017 pakicën bullgare në Shqipëri. Ky gjithashtu ishte një prej hapave të rëndësishëm për BE-në”, tha Ekaterina Zahariva, sipas së cilës me këtë akt iu vu fund një padrejtësie historike.

Ministrja bullgare shprehu shpresë se qeveria e Shqipërisë do të miratojë legjislacionin dytësor sa u përket minoriteteve kombëtare. “Kjo që është shumë e rëndësishme për Bullgarinë është e drejta e qasjes në mësimin e gjuhës amtare të bullgarëve në Shqipëri. Jemi gati ta ndihmojmë këtë proces edhe me materiale, edhe me mësues”, tha Ministrja e Jashtme Bullgare.

Bullgaria siguron përkrahje për qytetarët dhe institucionet në Shqipëri edhe në kuadrin e Ndihmës Zyrtare për Zhvillim. Në Shqipëri, në një rajon të populluar kryesisht me bullgarë etnikë, realizohet edhe projekti më i madh në kuadrin e Ndihmës bullgare Zyrtare për Zhvillim – ndërtimi i një rruge të asfaltuar midis qytetit Bilisht dhe fshatit Vernik me vlerë 1 125 561 leva (rreth 562 780 euro).




Последвайте ни и в Google News Showcase, за да научите най-важното от деня!

Më shumë nga rubrika

Presidenti i Hungarisë është duke bërë një vizitë dyditore në Bullgari

Presidenti bullgar Rumen Radev priti në qytetin Smoljan presidentin e Hungarisë, Tamash Shujok. Gjatë qëndrimit në qytetin malor të malit Rodopa, i ftuari vizitoi shtëpinë bullgare të poetit, përkthyes dhe piktor hungarez Llasllo Nagi. Më 20..

botuar më 25-10-20 12.59.MD

Ngjarjet me adresë ballkanike

Do të hiqen tarifat e roamingut me BE-në për Shqipërinë dhe Malin e Zi Në vitin 2026 tarifat e roamingut midis Shqipërisë dhe BE-së do të hiqen plotësisht, tha gjatë vizitës së saj në Tiranë më 13 tetor kryetarja e Komisionit Evropian..

botuar më 25-10-17 8.00.MD
Kryeministri i RSM Hristijan Mickoski

Kryeministri maqedonas Hristijan Mickoski: Nuk do t'i përfshijmë pa kushte bullgarët në kushtetutë

Kryeministri i Maqedonisë së Veriut Hristijan Mickoski tha se kabineti i tij nuk do t'i përfshijë pa kushte bullgarët në ligjin themelor të vendit. "Askush nuk ka të drejtë të presë që kjo qeveri do të bëjë pa kushte ndryshime në kushtetutë",..

botuar më 25-10-17 2.30.MD