Sot Kisha Ortodokse Bullgare kremton Shën Andrea të Parëthirrurin. Ai u thirr i pari nga dymbëdhjetë apostujt dhe u nis pas Jesu Krishtit. Në trojet tona vëllai i Shën Pjetrit – Apostulli i Shenjtë Andrea i Parëthirruri, është shumë i respektuar dhe shpeshherë i zgjedhur si mbrojtës i familjes.

Në përfytyrimet e bullgarëve Shën Andrea lidhet me ariun, prandaj populli ynë e quan festën “Ditën e Ariut”.

Sipas besimit popullor që nga sot dita fillon të rritet me një kokërr gruri dhe për këtë shkak në tryezën festive duhet të ketë grurë ose misër. Në disa rajone të Bullgarisë e nderojnë Shën Andrea si mbrojtësi i arinjve, kurse në bregdet – si sunduesi i stuhive.

Mund të mësoni më shumë për besimet dhe traditat e lidhura me këtë festë në artikullin tonë “Dita e Shën Andreut – legjendat, besimet dhe zakonet” nga koleksioni i Radio Bullgarisë.