Edhe ata që kaluan koronavirusin është mirë të vaksinohen, rekomandoi para RKB profesor Krasimir Gigov, përgjegjës në Shtabin Kombëtar për vaksinimin kundër Covid-19.

“Rreziku tejkalon përfitimet nëse nuk do të bëjmë vaksinën. Sot ka metoda të cilët shumë më shpejtë mund të vlerësojnë efektivitetin dhe toksicitetin e një vaksine. Asnjë firmë nuk do të lejonte të lëshojë një produkt të rrezikshëm. Le të besojmë në shkencë”, tha Prof. Gigov.

Ai shpjegoi se 125 000 dozat e para do të jenë për ata që punojnë në sektorët kritikë. Pritet që ato të furnizohen në fund të dhjetorit ndërsa vaksinimi të fillojë në fillim të vitit 2021.

Mendohet që Bullgaria të vendosë si një detyrim që ardhësit nga jashtë të kenë vaksinë për të hyrë në vend, shtoi profesori.