Gjatë takimit të tij me përfaqësuesit e partisë politike MIR, Presidenti Rumen Radev tha se ka konsensus të fortë mbi nevojën për ndryshime ligjore. Bisedimet me formacionet politike joparlamentare janë pjesë e një serie konsultimesh të filluara nga presidenti, në lidhje me organizimin dhe zhvillimin e votimit të ardhshëm parlamentar. Nënpresidentja Iliana Yotova gjithashtu mori pjesë në to. Sipas presidentit, ndryshimet në Kodin Zgjedhor duhet të garantojnë të drejtën e votës për të gjithë bullgarët që janë në karantinë dhe izolim ose janë në vende me një sërë kufizimesh, nëpërmjet votimit në distancë me postë. Kreu i shtetit komentoi gjithashtu se ka pajtim për të siguruar mbikëqyrje video gjatë zgjedhjeve dhe numërim të votave.

Para institucionit presidencial, kryetari i Partisë “Republikanët për Bullgarinë” theksoi gjithashtu nevojën për ndryshime në Kodin Zgjedhor. Cvetan Cvetanov gjithashtu kërkoi ndryshim në datën e votimit, pasi ai tha se nuk kishte asnjë gatishmëri legjislative për ta respektur atë.

Sipas udhëheqësit të Partisë Politike "Alternativë për Ringjalljen Bullgare" (ABV) Rumen Petkov, datat 15-16 maj janë më të pranueshme.

Gjatë takimeve të sotme, Presidenti Rumen Radev tha se qëllimi i konsultimeve është mobilizimi i institucioneve, organizatave të shoqërisë civile dhe partive në gjetjen e zgjidhjeve për të rritur besimin në procesin zgjedhor.