Ekspedita e 29-të bullgare për në Antarktidë u shty një ditë para nisjes së planifikuar të eksploruesve tanë. 6 shkencëtarë bullgarë duhej të niseshin për në kontinentin e akullt dhe më saktë për në ishullin Livingstën ku është baza jonë, më 12 janar. Për shkak të kufizimeve të mëdha në shpërndarjen e Covid-19, shkencëtarëve tanë iu desh të kalonin një karantinë 14-ditore në Kili, dhe pas kësaj të drejtoheshin për në Antarktidë. Udhëtimi nga Kili deri në destinacionin e tyre përfundimtar duhej të realizohet në bordin e anijes kërkimor-shkencore spanjolle “Esperides” me të cilën fqinjët tanë në ishull, eksploruesit polarë spanjollë gjithashtu duhej të udhëtonin për në Antarktidë.
Lidhur me këtë Radio Bullgaria kërkoi udhëheqësin e ekspeditës, Profesor Hristo Pimpirev:
“Anulohet sepse shtyhet nisja e grupit të parë. Ai duhej të udhëtonte nesër (12 janar), ndërsa sot (11 janar) të ishte ceremonia ne presidencë. Por dje (10 janar) u informova nga Spanja, nga menaxheri i logjistikës Miguel Ojeda, se në anijen "Esperides", në të cilën kërkuesit tanë polarë u desh të hipnin në Punta Arenas për të shkuar në Antarktidë, u zbuluan 30 njerëz të infektuar me koronavirus. Kjo është një enigmë për mua dhe për të gjithë, sepse para se të hipnin në anije ata kaluan një karantinë 14-ditore. Pesëdhjetë veta hipën në anije me teste negative PCR dhe disa ditë pasi anija u nis nga porti spanjoll i Kartagjenas drejt Oqeanit Atlantik, u zbuluan njerëz pozitiv me koronavirus. U vendos se ata janë më shumë se sa supozohej. Për këtë arsye anija në momentin e tanishëm është e karantinuar në qytetin Las Pallmas në Ishujt Kanare dhe eventualisht do të largohet që atje pas dy javëve, domethënë pasi do të përfundojë karantina e ekuipazhit. Për këtë arsye eksploruesit polarë bullgarë nuk do të udhëtojnë më 12 janar siç parashikohej. Tani jemi duke pritur.”
Si do të ndikojë kjo situatë mbi programin e punës së ekspeditës sonë në Kontinentin e Akullt?
“Viti i çmendur, i cili ndryshoi të gjithë stereotipin dhe mënyrën e jetës, do të ketë një ndikim të rëndësishëm edhe në kërkimet në Antarktik. Dhe jo vetëm i kërkimeve tona, por në përgjithësi! Edhe për spanjollët, të cilët kanë dy baza, programi u ndryshua plotësisht. Por ata mund të manovrojnë sepse kanë dy anije kërkimor-shkencore dhe njëra pothuajse ka arritur në Antarktidë. Dhe ne duhet të mbështetemi në ndihmën e dikujt dhe dikush të na marrë në anijen e tij. Tani po kërkojmë një mënyrë për transport nga Kili deri në Argjentinë dhe Uruguai, sepse anija spanjolle “Esperides” mund të kthehen në Spanjë dhe të mos lundrojë aspak në Antarktidë. Kjo është arsyeja pse ne duhet të kemi edhe variante të tjera”, shpjegoi Prof. Pimpirev.
Kjo është shtyrja e dytë e ekspeditës së 29-të bullgare për në Kontinentin e Akullt. Në fund të vitit 2020 koronavirusi u përhap edhe në Antarktidë. Gjatë testimeve në bazën kiliane para Krishtlindjes u zbuluan 36 mbartës së Covid-19. U imponua evakuim urgjent i një pjese prej personelit dhe shtrëngim edhe më serioz i masave antiepidemike në kontinent. Shkencëtarët tanë duhej të niseshin për në ishullin Livingstën në nëntor, por ekspedita u shty.
Përgatiti në shqip: Svetllana Dimitrova
Foto: armada.defensa.gob.es, Facebook /Bulgarian Antarctic InstitutePjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..