Katër formacione politike sigurisht po hyjnë në parlamentin e ardhshëm dhe tre të tjerë kanë mundësi për pjesëmarrje në të. Të dhënat janë nga sondazhi i fundit i agjencisë “Afis”, i kryer me fonde të veta, në periudhën 12-17 Shkurt midis 1000 personave. Sipas sondazhit, koalicioni politik GERB-Bashkimi i Forcave Demokratike deri më tani ka mbajtur pozicionin e tij udhëheqës, me pak më shumë se 25 për qind besim, ndjekur nga koalicioni “Partia Socialiste Bullgare për Bullgarinë” – 22 për qind e gjysmë. Vendi i tretë është i diskutueshëm midis partisë së Sllavi Trifonov “Ka një popull të tillë” dhe Lëvizjes për të Drejta dhe Liri. Dy koalicione të tjerë kanë një shans – “Bullgaria Demokratike” dhe “Çohu! Mutri jashtë!”, si dhe partia - VMRO. Ekziston gjithashtu një pjesë jashtëzakonisht e lartë e të ashtuquajturave "Parti të tjera", të cilat do të tërheqin vota, por do të mbeten jashtë parlamentit.