Në koncertin e Filarmonisë së Sofjes më 25.02. do të dëgjojmë vepra të kompozitorëve austriakë, përfaqësues të epokave të ndryshme - Koncert për piano dhe orkestër numër 17 në G major nga Mozarti dhe Simfoni për orkestër të dhomës opus 23 nga Alexander (von) Zemlinsky, i cili ka krijuar gjatë dekadave të para të shekullit të 20. Dirigjent është Sascha Goetzel - dirigjenti kryesor i ftuar i orkestrës sonë të filarmonisë kombëtare. I lindur në Vjenë, ai merr mësimet e tij të para në violinë nga babai i tij, kurse në moshën 11 vjeçare fillon të mësojë dirigjim tek profesori Richard Österreicher. Që nga viti 2008 është drejtor artistik dhe dirigjent i përgjithshëm i The Borusan Istanbul Philharmonic Orchestra. Ka punuar me Plasido Domingon, Hose Kareras, Anna Netrebko, Rene Fleming dhe akoma një serë emrash të mëdhenj nga skenat botërore.

Solist në koncertin për piano të klasikut të madh vjenez është Sergjej Redkin, i cili kohët e fundit jeton në vendin tonë. Ai ka lindur në Krasnoyarsk, dhe fillon të ekzekutojë në piano në moshën 5 vjeçe, në moshën 13 vjeçare merr dekoratat e veta të para serioze në konkurset ndërkombëtare për piano. Gjatë vitit 2016 dirigjenti i madh rus Valerij Gjorgjiev e fton si solist të orkestrës të Teatrit Mariinsky. Bashkë zhvillojnë koncerte në Paris, Nju Jork, Meksikë, Madrid , Budapest dhe Munih. Gjatë vitit 2017 mbron doktoratën në Konservatorin e Shën Petersburgut “Nikolai Rimsky – Korsakov”. Redkin tanimë është shumë mirë i njohur tek ne, kurse gjatë verës së vitit 2020, përsëri me ftesë të Filarmonisë së Sofjes, ai kishte shfaqje në një skenë me bashkëshorten e tij – pianistja bullgare Viktoria Vasilenko.
Redaktore: Allbena Bezovska
Përgatiti në shqip: Nataniela Vasileva
Muzika... Arti që na shoqëron gjatë gjithë jetës sonë, në jetën e përditshme dhe në festa. Na çon përmes saj, na e tregon në një mënyrë më të bukur dhe kuptimplotë. Krijon dhe ngjall kujtime, rrit emocionet dhe së fundmi - tregon histori...
Orkestra Simfonike e Radios Kombëtare Bullgare, me dirigjentin kryesor Konstantin Ilievski , po e nis sezonin e saj të ri krijues me një koncert festiv në Sallën "Bullgaria" të kryeqytetit më 1 tetor - data e shpallur nga UNESCO si Dita..
Dy aktorë të rinj - Alena Vergova dhe Bojan Todorov - prezantojnë këngën e tyre duet, të titulluar "Nata vdes vetëm". Kjo është gjithashtu kënga e parë nga albumi i ardhshëm debutues i Bojan, i cili na tregoi se si lindi ideja: "Po këndoja..
Një trio vokale, pjesë e rritjes së muzikës pop bullgare në agim të mijëvjeçarit të ri - "Antibiotika" - është rikthyer me një këngë të re. Edhe pse të..