Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Konsulli i Nderit i Bullgarisë në Shqipëri u dekorua me shenjen e lartë “Dega e dafinës së artë”

Selim Hoxhaj
Foto: Marija Peeva

Konsulli i Nderit i Republikës se Bullgarisë në Shqipëri Selim Hoxhaj u dekorua me shenjën më të lartë të nderit të Ministrisë së Punëve të Jashtme të Republikës së Bullgarisë “Dega e dafinës së artë”. Dekorata i jepet atij për përpjekjet që bën në afirmimin e vlerave të përbashkëta midis dy vendeve tona dhe në mbrojtjen e interesave të komunitetit bullgar në Shqipëri. Ceremonia e dekorimit u zhvillua në Ambasadën e Bullgarisë në Tiranë në respektim të të gjitha masave antiepidemike me prani të kufizuar të mysafirëve të veçantë. Para të pranishmëve nga trupi diplomatik bullgar dhe deputetëve nga Grupi Parlamentar për Miqësi Shqipëri-Bullgari ambasadori bullgar Momçill Rajçevski vlerësoi lartë punën e Selim Hoxhajit. Ndër të tjerët ai tha: “Zoti Hoxhaj gjakun e ka shqiptar, por zemrën e ka bullgare”.

Në letrën shoqëruese ministrja Zaharieva shkruan: “Meritat tuaja për forcimin dhe zhvillimin e marrëdhënieve dypalëshe midis Republikës së Bullgarisë dhe Republikës së Shqipërisë janë të padiskutueshme. Dëshiroj të shpreh mirënjohjen time dhe mirënjohjen e shtetit bullgar për angazhimin Tuaj personal për kauzën e njohjes së minoritetit kombëtar bullgar në Shqipëri. Me përfshirjen e tij në Ligjin e miratuar në vitin 2017 për Mbrojtjen e Pakicave Kombëtare në fakt ishte korrigjuar një padrejtësi historike.”

Që nga viti 2012 kur u emërua konsull nderi Selim Hoxhaj punon për thellimin e lidhjeve tradicionalisht të mira midis dy vendeve tona. Në fjalinë e rastit duke falënderuar për vlerësimin e Ministrisë së Jashtme Bullgare ai theksoi, se gjithnjë ka punuar “për afrimin dhe miqësinë mes dy vendeve dhe dy popujve tanë”.

Përpilues: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Çeku Ludvík Kuba i kushton një vëllim këngëve popullore në trojet bullgare

Në fund të shekullit XIX, piktori dhe folkloristi çek Ludvík Kuba ndërmerr një udhëtim në trojet tona për të studiuar trashëgiminë bullgare të këngëve. Pasi regjistron meloditë e dëgjuara, ai i kushton një vëllim të tërë Bullgarisë në serinë e tij..

botuar më 25-04-29 7.05.PD

Marena Xhingova – një nga qeramistet më të shquara bullgare

“Enë”, “linjë prodhimi”, “proces prodhues” – kjo terminologji e përforcon kohën e të ashtuquajturve aplikues nga e kaluara jonë jo aq e largët. Por një krijues, që jetonte brenda kufizimeve të një fabrike socialiste, arrin të dalë nga kornizat, duke i..

botuar më 25-04-28 7.00.PD

Një maratonë teatri dhe kinemaje 36-orëshe fillon në Akademinë Teatrale

Një maratonë teatri dhe kinemaje tridhjetë e gjashtë orëshe do t’i prezantohet publikut në Sofje nga të diplomuarit e Akademisë Kombëtare të Arteve Teatrale dhe Filmike “Krëstjo Sarafov”. Edicioni i 20-të do të mbahet nga 25 deri më 27 prill. Sipas..

botuar më 25-04-25 6.15.PD