Konsulli i Nderit i Republikës se Bullgarisë në Shqipëri Selim Hoxhaj u dekorua me shenjën më të lartë të nderit të Ministrisë së Punëve të Jashtme të Republikës së Bullgarisë “Dega e dafinës së artë”. Dekorata i jepet atij për përpjekjet që bën në afirmimin e vlerave të përbashkëta midis dy vendeve tona dhe në mbrojtjen e interesave të komunitetit bullgar në Shqipëri. Ceremonia e dekorimit u zhvillua në Ambasadën e Bullgarisë në Tiranë në respektim të të gjitha masave antiepidemike me prani të kufizuar të mysafirëve të veçantë. Para të pranishmëve nga trupi diplomatik bullgar dhe deputetëve nga Grupi Parlamentar për Miqësi Shqipëri-Bullgari ambasadori bullgar Momçill Rajçevski vlerësoi lartë punën e Selim Hoxhajit. Ndër të tjerët ai tha: “Zoti Hoxhaj gjakun e ka shqiptar, por zemrën e ka bullgare”.
Në letrën shoqëruese ministrja Zaharieva shkruan: “Meritat tuaja për forcimin dhe zhvillimin e marrëdhënieve dypalëshe midis Republikës së Bullgarisë dhe Republikës së Shqipërisë janë të padiskutueshme. Dëshiroj të shpreh mirënjohjen time dhe mirënjohjen e shtetit bullgar për angazhimin Tuaj personal për kauzën e njohjes së minoritetit kombëtar bullgar në Shqipëri. Me përfshirjen e tij në Ligjin e miratuar në vitin 2017 për Mbrojtjen e Pakicave Kombëtare në fakt ishte korrigjuar një padrejtësi historike.”
Që nga viti 2012 kur u emërua konsull nderi Selim Hoxhaj punon për thellimin e lidhjeve tradicionalisht të mira midis dy vendeve tona. Në fjalinë e rastit duke falënderuar për vlerësimin e Ministrisë së Jashtme Bullgare ai theksoi, se gjithnjë ka punuar “për afrimin dhe miqësinë mes dy vendeve dhe dy popujve tanë”.
Përpilues: Svetllana Dimitrova
Marioneta dhe kukulla gjigante, shfaqje me zjarre, statuja të gjalla, një makinë teatri, një procesion muzikor dhe karnavali janë pjesë e ngjarjeve në programin e Festivalit Ndërkombëtar të Arteve Rrugore ShestFest. Veprimtaria do të mbahet nga 24..
Universitet i Ri Bullgar shpall fillimin e nismës “Ditët Pranverore të Arteve” – një festë e krijimtarisë dhe kulturës. Nga 22 prill deri më 5 qershor, do të mbahen mbi 30 aktivitete kulturore dhe artistike me pjesëmarrjen e studentëve, profesorëve..
Krijimi i radhës prej sheqeri i Marija Oztjurk – një maket i Bazilikës “Shën Pjetri” në Romë – na provokoi ta kërkojmë bashkatdhetaren tonë pikërisht në këto ditë të ndritura festive. Edhe pse prej vitesh jeton mes Bullgarisë dhe megapolisit turk..
“Enë”, “linjë prodhimi”, “proces prodhues” – kjo terminologji e përforcon kohën e të ashtuquajturve aplikues nga e kaluara jonë jo aq e largët. Por një..