Një fotoekspozitë nga arkipelagu më i madh i tokës i gëzon kryeqytetasit, derisa shëtisin në kopshtin “Kristal” në qendër të qytetit. Nën moton  “Çudirat e Indonezisë” fotografitë ekzotike na shpien në gjerësi të tjera më diellore e të ngrohta gjeografike. Ato janë të bëra në ishuj të ndryshëm në Indonezinë e largët - Bali, Sumatra, Flores, Sulawesi, Papua Perëndimore, Kalimantan, Nusa Penida e të tjera dhe do të ekspozohen nën qiell të hapur deri më 12 prill. Ekspozita është një pjesë nga një varg ngjarjesh, të cilat Ambasada e Indonezisë tek ne i planifikon nëpër të gjithë vendin në lidhje me 65 vjetorin e marrëdhënieve diplomatike midis Indonezisë dhe Bullgarisë. Ngjarja realizohet në një partneritet me Bashkinë e Kryeqytetit si dhe me Ministrinë e Turizmit të Republikës së Indonezisë.