Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në qoftë se zgjedhjet ishin sot

Shtatë parti me shans për të hyrë në Parlament, dy formacione politike luftojnë për vendin e tretë

Foto: BNR

Shtatë parti do të hyjnë në Parlamentin e ri nëse zgjedhjet do të mbaheshin sot, tregon një sondazh i Gallup International i porositur nga Radioja Kombëtare Bullgare /BNR/.

28.2% do të votonin për GERB dhe SDS (Bashkimi i Forcave Demokratike), dhe 20.8% për BSP (Partia Socialiste Bullgare). Këto janë dy formacionet kryesore politike.

Me mbështetje pothuajse të barabartë janë "Ka një popull të tillë", për të cilin pritet të votojnë 12.9% prej votuesve dhe DPS (Lëvizja për të Drejtat dhe Liritë – partia e turqve etnikë dhe e myslimanëve të tjerë në Bullgari) - 12.7% e votave të mundshme. Sociologët raportojnë se në këtë fazë është praktikisht e pamundur të përcaktohet se cila nga të dyja palët do të përfundojë në vendin e tretë - gjithçka varet nga mobilizimi i elektoratit të dy partive.

"Bullgaria Demokratike" me 6.1%, formacioni "Ngrihu! Kriminelët jashtë!” me 5.2% dhe VMRO me 4.4% janë shumë afër njëri-tjetrit dhe jo shumë larg kufirit të mundshëm për të hyrë në Parlament. Perspektivat e këtyre formacioneve varen tërësisht nga ditët e fundit dhe madje orët e fundit, si dhe nga madhësia e pengesës dhe shkalla e "qëndrueshmërisë" së elektoratit.

Sipas analistëve të qëndrimeve paraelektorale, ditët dhe orët e fundit mund të ndryshojnë shpërndarjen e energjisë. Për shembull, koalicioni “Volja-NFSB”, i cili aktualisht merr mbështetjen e 3% të votuesve, do të shpresojë tek një votë e parashikueshme dhe tejkalimi i barrierës.

Me 1.6% është “Vëzrazhdane” /”Rilindja”/, 1.4% - ABV, 1.3% kanë “Republikanët për Bullgarinë”, 0.6% fiton “Ataka”, etj. 1.8 për qind e qytetarëve bullgarë ndoshta do të votojnë për parti të tjera.

Për sa i përket pjesëmarrjes në zgjedhje, sondazhi tregon një gamë mjaft të gjerë të gjasave - midis 2.6 dhe 2.9 milion njerëz do të shkojnë për të votuar.

Sidoqoftë, këto parashikime janë të vështira dhe surprizat nuk përjashtohen. Një pjesë minimale e votuesve pritet të shënojnë opsionin "Unë nuk mbështes askë".

Çështja e madhe është se çfarë do të kërkojë populli bullgar nga pushtetarët e ardhshëm - parashikueshmëri ose ndryshim, formimi i një qeverie të qëndrueshme, ose e një qeverie teknike deri në zhvillimin e zgjedhjeve të reja të parakohshme, komentoi në një intervistë për BNR drejtori ekzekutiv i Gallup Përvan Simeonov. Ai parashikon se fushata paszgjedhore do të jetë më interesante sesa ajo parazgjedhore, e cila mbaron sot.

Sondazhi i kryer për BNR në periudhën 24-31 mars është midis 1,013 bullgarëve të rritur dhe tregon strukturën e qëndrimeve elektorale.


Përpiloi: Elena Karkallanova

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Zoran Milanoviç

Ngjarjet me adresë ballkanike

0.91% nuk mjaftuan që Zoran Milanoviç të bëhej sërish president Presidenti aktual i Kroacisë, Zoran Milanoviç, i cili është kandidat i Partisë Social Demokrate të opozitës, fitoi raundin e parë të zgjedhjeve presidenciale të vendit më 29 dhjetor..

botuar më 25-01-04 9.10.PD

Viti politik 2024 dhe pritshmëria se Bullgaria do të punojë për qëllime të reja pas hyrjes në Shengen

Përmbledhja e ngjarjeve të një viti të tërë në pak rreshta është padyshim një sfidë, veçanërisht nëse bëjmë një përmbledhje politike. Zgjedhjet e parakohshme parlamentare, të cilat edhe këtë vit janë bërë traditë në vendin tonë, ishin një rast që..

botuar më 25-01-02 7.10.PD

Bullgaria dhe fqinjët e saj ballkanikë në vitin 2024: Turqia, Serbia, Maqedonia e Veriut

Vendimi për anëtarësimin e plotë të Bullgarisë në zonën Shengen nga fillimi i vitit 2025 është një ngjarje historike si për vendin, ashtu edhe për marrëdhëniet me vendet fqinje të BE-së - Rumania dhe Greqia. Cila është ngjarja përcaktuese në marrëdhëniet..

botuar më 24-12-30 7.15.PD