Pjesëmarrja jonë në Kampionatin Evropian të Peshëngritjes në Moskë përfundoi me paraqitjen e shkëlqyer të 19-vjeçarit Hristo Hristov, i cili fitoi dy medalje argjendi. Kështu bullgarët fituan 19 medalje – tri të arta, tri të argjendta dhe një medalje të bronztë në ndeshje. Pas titujve të Nadezhda Mej-Nguen, Angell Rusevit dhe Stilyan Grozdevit, vendet e dyta u zunë nga Ivana Petrova, Karlo Nasar dhe Hristo Hristov, ndërsa vendin e tretë e zuri Valentin Gençev. Kjo është paraqitja më e mirë e vendit tonë në kampionatet evropiane pas kampionatit në Kiev në vitin 2004.

Me prezantimin e saj të shkëlqyeshëm në kryeqytetin rus, Bullgaria ka siguruar pothuajse me siguri maksimumin prej dy kuotash të burrave për Lojërat Olimpike në Tokio këtë verë.

"Sportal" njoftoi se sipas dokumenteve të publikuara nga organizatorët dhe Federata Evropiane e Peshëngritjes (EWF) Bullgaria është në vend të parë në klasifikimin përfundimtar për nga kombet tek meshkujt. Me gjithsej 685 pikë skuadra bullgare e peshëngritjes ka një përparësi të konsiderueshme para Armenisë, e cila mbaroi me 620 pikë, në vend të tretë janë përfaqësuesit e Gjeorgjisë me 612 pikë. Ky është suksesi më i madh i Bullgarisë në klasifikimet për nga kombet që prej dekadash.