Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Loja politike për formimin e një qeverie – me një zhvillim të ri

Foto: BGNES

Një kurs i ri në fushën politike u dha shtytje teorive të reja të  probabilitetit në lojën politike për krijimin e një qeverie. Akoma përpara se Presidenti Rumen Radev  të ketë shpallur se kur do t’ia dorëzojë mandatin për të formuar një qeveri forcës së dytë më të madhe parlamentare, nga partia në fjalë “Ka një popull të tillë” bënë një lëvizje tepër befasuese. Lideri i saj Sllavi Trifonov shpalli se nominojnë për kryeministër  kampionen botërore në shah  Antoaneta Stefanova, e cila në radhë të vet do ta kthejë mandatin “në sekondë”. Trifonovi e motivoi vendimin e tij me faktin se “Ka një popull të tillë” nuk ka numrin e domosdoshëm të deputetëve ose të partnerëve, që të mund të krijojë një qeveri stabile. Kurse përkrahjen të cilën mundet ta marrë është “nga subjekte politike, të cilët janë të dëmshëm, lakmitarë dhe të kompromentuar”, prandaj kjo mund të çojë deri në varësi.

Fjalët e Sllavi Trifonovit  shkaktuan një reagim të menjëhershëm nga ana e oponentit të tij bazë politik. Si një ikje nga përgjegjësia dhe frikë politike, i përcaktuan nga rrethet e partisë GERB, kurse lideri i tyre Bojko Borisov saktësoi:  Një frikacak është ai i cili me 165 deputetë të cilët kanë deklaruar përkrahjen e vet thotë se nuk i janë të mjaftueshme dhe i duhen 240”.

Sipas kryetares së grupit parlamentar të GERB-SDS Desisllava Atanasova argumentet e Sllavi Trifonovit se partia e tij nuk takon përkrahje, janë jo logjike dhe pavend, meqenëse procesi parlamentar deri tani ka treguar një përkrahje të plotë për partinë “Ka një popull të tillë”. “Për mua  kjo është dhe një ikje nga përgjegjësia, kjo a do të thotë vallë  zgjedhje të reja dhe akoma mbase mbi 50 ose 60 milionë para të tjera. Në bazë të cilave rregulla zgjedhore do të bëhet kjo?”-pyeti Atanasova.

Në këtë mënyrë, akoma përpara se të dorëzohet mandati i dytë, vështrimet u drejtuan ndaj atij të tretë.

“Logjika e hekurt politike tregon se një mandat i tretë është e mundur t’i jepet Partisë Socialiste Bullgare /BSP/, dhe jo ndonjë force tjetër politike - prognozon politologu Dimitër Ganev përpara gazetës “24 orë”. Argumentet janë disa. I pari është se BSP është forca e tretë politike për nga madhësia dhe në këtë kuptim asaj i jepet një mandat i tretë. I dyti është se vet Radevi do të dojë që t’i garantonte vetes përkrahjen e socialistëve të zakonshëm, për fushatën presidenciale  gjatë muajit tetor. Dhe argumenti i tretë është se “Bullgaria Demokratike” paraprakisht refuzoi mandat, kështu që nuk ka logjikë që ta marrë. Po t’i jepet një mandat Lëvizjes për të Drejtat dhe Liritë /DPS/ kjo do të sillte dëmtim mbi imazhin e Presidentit, kurse “Ngrihu! Kriminelët jashtë!” është një formacion mjaft i vogël, që të mund të krijojë qeveri”.

Nëse presidenti ia jep mandatin BSP, socialistët  do të vendosin në Këshillin Kombëtar të Partisë nëse ta pranojnë apo jo. Këtë e komentoi përpara Radios Kombëtare Bullgare-programi “Horizont” deputeti Filip Popov. Ai nuk është i befasuar nga vendimi i partisë “Ka një popull të tillë” dhe lideri i saj Sllavi Trifonov  për kthimin e mandatit dhe me këtë, sipas fjalëve të tij, ata tregojnë se nuk janë të aftë ta drejtojnë vendin.

Deputetja nga partia “Ngrihu! Kriminelët jashtë!” Maria Kapon e përcaktoi si të “çuditshëm” vendimin e “Ka një popull të tillë”. Ajo shprehu skepticizëm ndaj mundësisë për krijimin e qeverisë nga forca e tretë politike.

Shanset për formimin e kabinetit me mandatin e tretë janë jashtëzakonisht të vogla, komenton përpara Radios Kombëtare Bullgare Borisllav Sandov, deputet nga Lëvizja e Gjelbër dhe “Bullgaria Demokratike”.

“Kështu që, perspektiva më e mundshme është për të vajtur në zgjedhje. Ato duhet të jenë mundësisht sa më shpejt, që të mund të kemi në vjeshtë ndonjë farë qeveri të qëndrueshme”, nënvizoi akoma Sandov dhe shtoi se tani përgjegjësia e presidentit Rumen Radev është shumë më e madhe, aq më tepër se gjatë vjeshtës  ai po kështu do të zhvillojë një fushatë zgjedhore.

Se kur loja do të kalojë në një nivel tjetër, akoma nuk është e qartë. Edhe pse me një zhvillim të paracaktuar, dhënia e mandatit të dytë nuk ka një afat të qartë, të parashtruar në Kushtetutë. Por, Kreu i Shtetit nuk mund ta vonojë gjatë, meqenëse kjo mund të shkaktojë dyshime tek oponentët e tij politikë. Sipas fjalëve të Dimitër Ganevit, duke bërë disa ditë shtyrje, Presidenti mund t’i japë shans Kuvendit Popullor të pranojë nismat e veta legjislative, pas së cilës të ndërmarrë ecurinë e vet të radhës për të marrë një kthesë tjetër në lojën politike të shahut.

Përpiloi: Elena Karkallanova

Përgatiti në shqip: Nataniela Vasileva

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Presidenti Rumen Radev

Klasa politike në Republikën e Maqedonisë së Veriut ka frikë të njohë ekzistencën e fjalës "bullgar" atje

Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..

botuar më 24-06-26 8.09.MD
Doc. Dr. Spas Tashev

Integrimi evropian nuk do të jetë ndër prioritetet kryesore të qeverisë së sapozgjedhur të Maqedonisë së Veriut

Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..

botuar më 24-06-24 4.03.MD
Ekrem Imamoglu

Ngjarjet me adresë ballkanike

Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..

botuar më 24-06-21 1.47.MD