Më 6 maj mbushen 370 vjet nga botimi i librit të parë të shtypur bullgar – përmbledhjes me lutje “Abagar”.
Libri përbëhet nga pesë fletë të mëdha në formën e rrotullave, në anën e përparme të të cilave janë të shtypura lutje të shkurtra apokrife. Fletët janë 44.5 centimetra të gjera dhe 33.5 centimetra të gjata. Letra është italiane, e hollë, por e ashpër. Në pjesën e poshtme fletët numërohen me shkronja cirilike. Në secilën fletë teksti është i shtypur në katër kolona të ngushta, secila prej të cilave është e rrethuar nga një kornizë zbukurimesh, kështu që nëse kolonat priten dhe rregullohen në mënyrë të njëpasnjëshme për të marrë një shirit të gjatë rreth 5 metra dhe 80 centimetra. Kjo lejon që koleksioni të ketë formë si rrotull dhe të vishet si amulet.

Libri u shtyp në Romë më 6 maj të vitit 1651 nga Peshkopi Katolik Bullgar Filip Stanisllavov. E vetmja kopje e mbijetuar është në Bibliotekën e Bolonjës.

Më shumë për këtë libër mund të lexoni në botimin e Radio Bullgarisë: “Prof. Georgi Eldërov dhe pasuritë e së kaluarës”.