Kroacia do të ndërtojë bazë të vet ushtarake në Kosovë

Gjatë vizitës së tij në Prishtinë, ministri kroat i punëve të jashtme Gordan Radman tha se Zagrebi i kundërvihet  çdo lloj ndryshimi  të kufijve në rajon. Pas takimit me diplomaten e parë të Kosovës Donika Gervalla-Schwartz, Radman tha se Kroacia si një anëtare e Bashkimit Evropian  e përkrah dialogun midis Kosovës dhe Serbisë. Si një nga shtetet e para, të cilat kanë njohur pavarësinë e shtetit të ri, Kroacia “do të synojë që Kosova të njihet nga vendet, të cilat nuk e kanë bërë këtë deri tani”, deklaroi Radman. Ai përkrahu dhe liberalizimin e regjimit të vizave të Bashkimit Evropian për qytetarët e Kosovës. Sipas transmetuesit publik të Serbisë RTS – Radio-televizija Srbije, në takim kanë rënë dakord që Kroacia të ndërtojë bazën e saj ushtarake në Kosovë, e cila do të forcojë  sigurinë në regjion. Zagrebi tanimë shpalli se do të shtojë kontingjentin e vet në misionin e NATO-s në Kosovë-KFOR.

Greqia i përmbahet rreptësishtë Traktatit të Lozanës për Minoritetet

Ministria e Jashtme greke hodhi poshtë akuzat se Athina shkel të drejtat e pakicës myslimane. Bashkësia myslimane  në Traki prej 120 000 banorësh “lulëzon”, shkruan gazeta “Kathimerini” e cituar nga BGNES. Deklarata erdhi pas vizitës në rajon të zëvendës-ministrit të punëve të jashtme të Turqisë Yavuz Kiran.  Ai e akuzoi Greqinë  se kufizon liritë fetare dhe gjuhësore të popullsisë myslimane, që ai e përcaktoi si “turke”. “Greqia  mbetet fort e angazhuar me angazhimet e veta, duke respektuar plotësisht të drejtën ndërkombëtare, që është busulla e politikës së saj të jashtme”, deklaruan diplomatët grekë dhe shtuan se po kryejnë dispozitat e Traktatit të Lozanës nga viti 1923, i cili njeh ekzistencën e pakicës fetare myslimane në Greqinë Veriore.

Serbia po e stimulon vaksinimin me bonos prej 25 eurove

Autoritetet serbe i japin kuponë për 3000 dinarë /25 euro/ deri më 31 maj  çdo një qytetari në moshë mbi 16 vjeç, i cili vaksinohen me të paktën një dozë kundra koronavirusit. “Meqenëse nuk mund të ndërmarrim masa diskriminuese negative për ata që nuk do të marrin vaksinën, ne po shqyrtojmë mënyrën e shpërblimit të atyre që kanë vendosur të vaksinohen. Qëllimi është që të shpërblehen ata të cilët kanë treguar përgjegjësi dhe të ftohen të tjerët” - sqaroi presidenti Aleksandër Vuçiç. Ai premtoi që deri në fund të muajit maj, afërsisht  3 milionë veta të imunizohen në Serbi me të paktën një dozë, që të mund të arrihet një imunitet kolektiv. Sipas kryeministres së vendit - Ana Brnabić, mbi ¼ nga popullsia tanimë ka nga dy vaksina të vëna.

Nuk do të ketë roaming midis vendeve nga Ballkani Perëndimor

Që nga data 1 korrik sivjet, hiqet roamingu midis vendeve nga Ballkani Perëndimor. Kjo do të thotë se qytetarët dhe biznesi në rajon do të kenë më shumë para, deklaroi sekretarja e përgjithshme e Këshillit për Bashkëpunim Regjional Majlinda Bregu përpara radios “Evropa e Lirë”, e cituar nga BGNES. Maqedonia e Variut, Serbia, Mali i Zi, Shqipëria, Bosnja dhe Hercegovina dhe Kosova do të fillojnë të aplikojnë marrëveshjen nga Samiti i Dytë Digjital gjatë vitit 2019. Faza e parë e marrëveshjes u prezantua akoma atëherë, ku çmimi i roamingut ishte pakësuar me 80%, faza e dytë ose zhdukja e plotë e roamingut ishte lënë për verën e vitit 2021. Të rinjtë në regjion besojnë se lehtësimi i roamingut është i dobishëm, ashtu si dhe liria e lëvizjes, kështu qe ky është një  mesazh i shkëlqyer për ta, ka deklaruar Bregu.

Inflacioni në Turqi po merr përsëri vrull

Pavarësisht se Turqia llogarit një rritje ekonomike prej 6% që nga fillimi i vitit 2021, mbi një bazë vjetore çmimet janë rritur me 17,14%. Vetëm gjatë muajit prill rritja është me 1,68 %. Shuma e inflacionit po largohet nga caku i caktuar për nivelin vjetor prej 5%, komentojnë botimet opozitare turke. Kreu i porsaemëruar i Bankës Qendrore Şahap Kavcıoğlu nga presidenti Recep Tayyip Erdoğan rriti parashikimin e inflacionit deri në fund të vitit nga 9.4 në 12.2%. Prandaj, nuk dëshiron të ulë normën bazë të interesit, e cila mbetet në 19%, pavarësisht se presidenti Erdoğan  është një kundërshtar i ashpër i normave të larta të interesit për të luftuar inflacionin. Pasojat ekonomike nga pandemia dhe ndryshimet në administrimin e Bankës Qendrore Turke kanë zhvlerësuar lirën turke me 13% që nga fillimi i vitit, komenton Rojtersi.

Përpiloi: Ivo Ivanov

Përgatiti në shqip: Nataniela Vasileva