Pas vendimit për të zvogëluar gazrat serë me më shumë se 55% deri në 2030 dhe në mungesë të masave që mbrojnë vendet si Bullgaria, shtetet e pasura do të bëhen edhe më të pasura, ndërsa ato të varfra - edhe më të varfra dhe jokonkurruese. Kjo u deklarua në Bruksel nga Presidenti bullgar Rumen Radev në takimin e Këshillit Evropian.

Që të shkojmë drejt një ekonomie me klimë neutrale, na duhen investime serioze që vijnë "nga ata që na shtyjnë në këtë drejtim". Bullgaria nuk ka burime për ta bërë këtë, tha Presidenti.

"Prandaj, ne duam që Plani i Rimëkëmbjes dhe Qëndrueshmërisë të përfshijë projekte të cilat të kontribuojnë në mënyrën më të shpejtë për ndërtimin e objekteve të nevojshme, ato të jenë në një nivel modern dhe të përmbushin kërkesat e gjelbra duke siguruar efikasitet dhe, mbi të gjitha, autonomi të energjisë sonë ”, thirri Radev.