Ministri i përkohshëm i Kulturës Prof. Velisllav Minekov tha në një konferencë shtypi se ai do të sinjalizojë prokuroritë bullgare dhe evropiane për rinovimin e Sheshit Largo në Sofje, ndërtimin e galerisë Kvadrat 500 dhe të kalasë në Jajllata, të cilën ai e përshkroi si një butafori. Profesori tha se ai mori qëndrimin e OLAF-it - Agjencisë Evropiane për Keqpërdorimin e Fondeve të BE për riparimin e Sheshit Largo dhe theksoi se dokumenti ishte shënuar si “shumë sekret”, kështu që ai nuk mund të zbulojë shumë informacion. “Bëhet fjalë për gati 4.5 milion euro të zhdukura. Në letrën e OLAF ka një rekomandim për të kërkuar përgjegjësi nga tre ministra të mëparshëm dhe një kryetar bashkie”, tha Minekov, duke theksuar se është fyese kthimi i parave në BE.