Pozicioni i shtetit bullgar mbi paketën “Mobilitet 1” mbetet i pandryshuar, tha në Plovdiv Ministri i përkohshëm i Transportit Georgi Todorov. Në hapjen e ekspozitës ndërkombëtare për kamionë TRUCK EXPO, ai theksoi se industria dëshiron siguri dhe parashikueshmëri.

Kjo sepse rregullat në direktivën evropiane zvogëlojnë shumë konkurrencën e transportuesve bullgarë në tregun evropian. “Ne do të kërkojmë dhe mbrojmë të drejtat tona deri në fund. Sepse në këtë mënyrë ne besojmë se po kontribuojmë në ekonominë tonë, ne po mbrojmë punëtorët tanë, biznesmenët tanë”, tha ministri.

Në ekspozitë marrin pjesë mbi 50 kompani me 150 ekspozita, që përfaqësojnë më shumë se 100 marka globale në industrinë e automobilave dhe transportit të mallrave.