Kryeministri i Maqedonisë së Veriut Zoran Zaev do të vizitojë Sofjen deri në 20 qershor. Për këtë arritën marrëveshje në Bruksel Presidenti Rumen Radev dhe Zaev. Për palën bullgare në bisedimet mori pjesë Ministri Bullgar i Mbrojtjes Georgi Panajotov ndërsa për palën maqedonase Zëvendës Kryeministri për Çështjet Evropiane Nikolla Dimitrov, Ministri i Jashtëm Bujar Osmani dhe Ministrja e Mbrojtjes Radmilla Shekerinska.

U diskutua arritja e përparimit të vërtetë në integrimin evropian të Maqedonisë së Veriut. Bullgaria pret që procesi të lehtësohet nga një dialog i drejtpërdrejtë dhe aktiv për të zgjidhur çështjet e hapura bilaterale. U shpreh vullneti i përbashkët për arritjen e rezultateve të qëndrueshme dhe të pakthyeshme në marrëdhëniet e fqinjësisë së mirë, i cili përmbush pritjet e qytetarëve në të dy vendet.