Rivendosja e punësimit pas pandemisë Covid-19 duhet të bëhet një përparësi për vendin tonë, tha Ministri i Çështjeve Sociale Gëllëb Donev në fjalën e tij në seancën e 109-të të Konferencës Ndërkombëtare të Punës, e cila u mbajt online. Në të morën pjesë të gjitha vendet anëtare të Organizatës Ndërkombëtare të Punës.

Sipas tij, cilësia e fuqisë punëtore mund të përmirësohet duke ofruar më shumë mundësi për trajnim, përdorimin e teknologjive digjitale dhe zhvillimin e formave të reja të zhdërvjellëta të punës dhe punën nga distanca. Ministri njoftoi se sipas skemës 60/40 për subvencionimin e pagave dhe ruajtjen e vendeve të punës vitin e kaluar u shpenzua më shumë se 1 për qind e produktit të brendshëm bruto. Gjithashtu u bë e qartë se qeveria parashikon një program garancie prej 2.5 miliardë leva për të ndihmuar bizneset e vogla dhe të mesme dhe personat e vetë-siguruar.