Midis 8 miliardë dhe 9.5 miliardë euro do të nevojiten për të përfunduar të dy blloqet e Centralit Atomik Elektrik “Belene”, sipas llogarive të Shoqatës së Ndërtimit “Bulatom”. Deri më tani, gati 1.5 miliardë euro u shpenzuan për projektin. “Bulatom” vlerëson se investimi do të shlyhet për afro 15 vjet pasi njësitë të vihen në veprim dhe se çmimi i energjisë elektrike nga centrali mund të jetë më i ulët se në bursë. Nëse të dy njësitë në Centralin Atomik Elektrik “Belene” janë të ngarkuara plotësisht, ato do të jenë në gjendje të prodhojnë rreth 16 milion megavat-orë energji elektrike në vit. Sipas “Bulatom”-it, projekti është ekonomikisht i realizueshëm, pasi njësitë mund të veprojnë për të paktën 45 vjet të tjera pas shlyerjes së investimi.