Fshati Dellçevo, komuna e qytetit Goce Dellçev, po rivendos traditën e festimit të Ditës së Enjos (Enjovden) me një program dyditor më 21 dhe 22 qershor, njoftoi komuna e qytetit Goce Dellçev. Ngjarjet do të nisin më 21 qershor me një procesion nga sheshi deri në vendin e quajtur "Vëllçova Tumba", ku do të merret “ujë i heshtur”.
Të nesërmen, më 22 qershor, e diel, në orën 05:00 do të niset nga sheshi i fshatit me pishtarë prapë drejt "Vëllçova Tumba", ku do të pritet lindja e diellit dhe përgjatë shtigjeve do të mblidhen barishte. Hapja zyrtare e festës do të jetë në orën 11:00 në vendin e quajtur “Livadhi Katurova”. Aty do të zhvillohen tre konkurse – për kurorën më të bukur, për recetën më autentike të përgatitur me barishte, dhe për buqetën më të bukur me lule. Pritet edhe një program i pasur folklorik.
Sipas kalendarit popullor bullgar, Enjovden festohet më 24 qershor. Kjo është dita e festës së krishterë kushtuar lindjes së Shën Gjon Pagëzorit. Festa është e njohur edhe si “mes vera” apo dita e diellit, pasi përkon me solsticin e verës.
Lexoni më shumë nga arkivi i Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Bashkia e qytetit Goce Dellçev
Për të tretin vit radhazi, fondacioni “Karin Dom” – Varna po organizon iniciativën bamirëse “Çmimet Ivan Stançov” në kujtim të diplomatit bullgar dhe themeluesit të organizatës – ambasadorit Ivan Stançov, njoftoi organizata civile. Më 23 tetor do..
Nga 22 deri më 28 tetor, qyteti i Vidinit shndërrohet në një skenë të artit, krijimtarisë dhe frymëzimit, për të nderuar Festën Shpirtërore të qytetit – Ditën e Shën Dhimitrit (Dimitrovden). Programi i pasur i festivalit të ri “Ditët e Tetorit..
Më 19 tetor nderojmë kujtimin e mbrojtësit qiellor të Bullgarisë – Shën Joan Rillski, Çudibërësi. Ai është themeluesi i Manastirit të Shenjtë të Rillës – qendra më e madhe dhe me ndikimin më të madh shpirtëror në Bullgari. Mendohet se Joan Rillski..