Pozita e vendit tonë mbi perspektivën evropiane të Republikës së Maqedonisë së Veriut është konsekuente dhe e qartë, thuhet në qëndrimin zyrtar të Ministrisë së Punëve të Jashtme. Politika e zgjerimit të BE duhet të bazohet në përmbushjen e kritereve të Kopenhagës për anëtarësimin në Bashkim. Pala bullgare këmbëngul në garanci të besueshme se interesat tona themelore nuk do të shkelen. Praktika e shkeljes së të drejtave të njerëzve me vetëdije bullgare në Republikën e Maqedonisë së Veriut duhet të ndalet, thuhet në pozitë. Pavarësisht nga sfidat, Bullgaria dhe Republika e Maqedonisë së Veriut duhet të zhvillojnë marrëdhënie të plota në të gjitha fushat të bazuara në Marrëveshjen e Fqinjësisë së Mirë. Zbatimi efektiv i Marrëveshjes duhet të jetë ndër kriteret në Kornizën Negociuese për Republikën e Maqedonisë së Veriut. Pala bullgare shpreh gatishmërinë e saj për një dialog konstruktiv gjatë Presidencës së ardhshme sllovene, si dhe gjatë Presidencave të ardhshme të Këshillit të BE-së, për arritjen e rezultateve të qëndrueshme në zgjerimin e BE me vendet e Ballkanit Perëndimor, gjë që padyshim do të jetë në dobi për të gjithë rajonin dhe për të ardhmen e tij evropiane, theksohet në përfundim në pozitën e Ministrisë së Punëve të Jashtme.
Ministri i Mbrojtjes Atanas Zaprjanov dha një intervistë për Radio Televizionin Shqiptar (RTSH) ku deklaroi: "Mesazhi im për qytetarët shqiptarë është se Bullgaria dhe populli bullgar janë një aleat dhe mik i besueshëm për ju." Ne jemi të gatshëm të..
Një rrugë e re për Bashkimin Evropian u përvijua nga Presidentja e Komisionit Evropian, Ursula von der Leyen, në fjalimin e saj vjetor për gjendjen e Bashkimit para eurodeputetëve në Strasburg disa ditë më parë. Shkurt, baza e kësaj rruge të re..
Bullgaria është ndër vendet që pritet të bllokojnë shumicën e propozimeve të Komisionit Evropian për sanksione kundër Izraelit për shkak të veprimeve të tij në Rripin e Gazës, shkruan "Politico". Kjo pritet të ndodhë më 17 shtator, gjatë një takimi në..