Ministri i Punëve të Jashtme Svetlin Stoev priti Kardinalin Marcello Semeraro nga Vatikani, me të cilin diskutuan intensifikimin e marrëdhënieve dypalëshe në vitet e fundit. Stoev e njohu kardinalin me iniciativën e Bullgarisë, të nisur nga Presidenti Rumen Radev, për të paraqitur dorëshkrimin “Historia e Bullgarisë” në vendin tonë. Ai është vepër e peshkopit katolik Peter Bogdan, dhe u krijua rreth një shekulli para “Historisë Sllavo-Bullgare” të shekullit XVIII nga At Paisij dhe ruhet në Modena. “Ne do të jemi të lumtur ta paraqesim këtë dorëshkrim në vjeshtë në Sofje në Bibliotekën Kombëtare”, tha Stoev.

Kardinal Semeraro falënderoi për mikpritjen e Bullgarisë dhe vuri në dukje se ajo u vlerësua shumë nga Papa Françesku gjatë vizitës së tij në Bullgari në vitin 2019. “Toka Bullgare është një udhëkryq i takimeve midis kulturave dhe njerëzve, dhe Evropa ka lindur nga takimi midis kombeve”, tha kardinali.