Projektet e përbashkëta të infrastrukturës së Bullgarisë dhe Greqisë janë në frymën e qëllimeve të Iniciativës së “Tre Deteve” për të rritur bashkëpunimin në rajon. Kjo u deklarua nga Presidenti Rumen Radev në një takim me homologеn e tij greke Katerina Sakelaropoulou sot në Sofje në kuadrin e iniciativës së “Tre Deteve”.

Këtë vit Greqia është një mysafir i nismës. Pjesëmarrja e saj do të kontribuojë në vizionin e përbashkët për ndërlidhjen më të mirë në rajon, theksoi Radev. Ndër temat e diskutuara ishin zhvillimi i infrastrukturës së transportit dhe përmirësimi i lidhjes së energjisë. Ndër përparësitë për të dy vendet ishte hapja e pikave të reja të kontrollit kufitar për të promovuar lidhjet midis biznesit dhe turizmit.