Paparashikueshmëria në zgjedhjet e ardhshme është një faktor kryesor. Qindra mijëra bullgarë ende nuk kanë vendosur për kë të votojnë. Dy parti kanë shans për vendin e parë. Pritet që 21.3% prej votave të jenë për "Ka një popull të tillë" /ITN/ dhe 20.3%. për GERB-SDS. Këtë e tregon sondazhi i Gallup International Balkan i zhvilluar disa ditë para zgjedhjeve më 11 korrik me kërkesë të Radios Kombëtare Bullgare. Partia Socialiste Bullgare /BSP/ dhe koalicioni mbeten në vend të tretë me 15.9%. “Bullgaria Demokratike” dhe Lëvizja për të Drejtat dhe Liritë /DPS/ kanë rezultate të ngjashme, përkatësisht - 12.2% dhe 11.5%. Sa i përket DPS, është vështirë të parashikohet votimi në Turqi. Formacioni "Ngrihu! Kriminelët jashtë! "ka 6.1%. “Patriotët Bullgarë” kanë shans të hyjnë në Parlament me 4%. Shanset e tyre varen plotësisht nga shkalla e mobilizimit të elektoratit.