Ministri i Punëve të Jashtme Svetllan Stoev ishte mysafir i komunitetit bullgar në qytetin e Bollgradit të rajonit të Odesës, ku u hapën zyrtarisht ngjarjet jubile me rastin e 200 vjetorit të qytetit.

Në përshëndetjen e tij, ministër Stoev theksoi vendin e veçantë të Bollgradit në historinë bullgare dhe vlerësoi lart frymën e fortë të bullgarëve etnikë, të cilët kanë mësuar të vlerësojnë unitetin dhe miqësinë, duke jetuar në harmoni me grupet e tjera etnike në Ukrainë.

Ministri ynë i Jashtëm u mirëprit sipas traditës së vjetër bullgare me bukë dhe kripë në Gjimnazin historik Bullgar “G.S. Rakovski” , ku u takua me kryebashkiakun Sergej Dimitriev dhe përfaqësues të shoqatave bullgare në Ukrainë. Guvernatori i rajonit Odesa Sergej Grineveckij gjithashtu mori pjesë në takim.

Ukraina është shtëpia e komunitetit më të madh historik bullgar jashtë vendit. Rreth 200 000 bullgarë jetojnë në vend, sipas Ministrisë së Jashtme Bullgare. Në Bollgrad ka një qendër për kulturën bullgare, e cila po punon për kauzën e Bullgarisë tashmë dy dekada. Qendra disponon gjithashtu një bibliotekë bullgare dhe atje përgatiten studentë kandidatë për universitetet bullgare.