Cila është e përbashkëta midis muzikës klasike, fantastikës dhe kohës së kaluar në fluturim? Përgjigjen e kësaj pyetjeje e jep përmbledhja debutuese me tregime “Fryma e engjëjve” e drejtorit të Filarmonisë së Sofjes - dirigjenti Najden Todorov.
Kur njeriu i artit është i talentuar, për të nuk ka kufi dhe roli i tij i një shkrimtari e dëshmon këtë pohim. Për shkak të kohës së lirë të kufizuar, muzikanti i njohur i shkruan historitë e tij në qiell, derisa udhëton nga një pikë në tjetrën dhe tregon për botët e brendshme, për shqetësimet dhe ëndrrat e engjëjve dhe robotëve. Tregon për njerëz që mund të ndryshojnë ngjarjet ose të “banojnë” në trupat e të vdekurve, që të vazhdojnë veprat e tyre, kurse forca bazë lëvizëse në tregime është njerëzimi, thelbi i njeriut dhe dashuria ndaj tij. Motivi është kërkimi i përhershëm i asaj harmonie, e cila lind muzikën e bukur, tekstin e mirë dhe kuptimin e ekzistencës.
Përmbledhja “Fryma e engjëjve” do të prezantohet më 2 shtator në kuadrin e festivalit “Apollonia” në qytetin Sozopoll. Najden Todorov ka lindur në qytetin e Plovdivit gjatë vitit 1974. Arsimin e tij muzikor e merr në Vjenë, e cila me kalimin e kohës kthehet në shtëpinë e tij të dytë. Ka punuar dhe në Izrael, ka dirigjuar dhjetëra grupe nëpër të gjithë botën. Në Bullgari ka punuar me Filarmoninë e Plovdivit dhe me Operën e Ruses, kurse që nga viti 2017 është drejtues i filarmonisë së Sofjes.
Përpiloi: Vesella Krësteva
Përgatiti në shqip: Nataniela Vasileva
Prof. Riccardo Picchio (1923 – 2011) është pak i njohur për publikun e gjerë, por ai është një nga studiuesit më të mëdhenj italianë që përktheu autorë klasikë bullgarë në Itali, thotë Veneta Nenkova, themeluese e shkollës bullgare në Romë “Asen dhe..
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Gjatë fushatës së sivjetshme të kandidatëve për studentë, pyetja cila do të jetë diploma më e dëshiruar në Universitetin e Sofjes "Shën Kliment Ohridski"..