Përfaqësuesit e degëve të prekura nga masat kufizuese u mblodhën para Parlamentit për të shprehur pakënaqësinë e tyre. Deputetë nga GERB, “Ka një popull të tillë”, “Ngrihu BG! Ne po vijmë!” u përpoqën të bisedojnë me protestuesit, por u fishkëllen dhe u kërkuan të largohen. Njerëzit në shesh shprehën indinjatën e tyre që klubet e natës dhe diskotekat do të mbyllen, përderisa restorantet dhe sallat e lojërave të fatit do të punojnë me orar të kufizuar pune nga 7 e mëngjesit deri në 11 pasdite. Përfaqësuesit e Asociacionit të Restoranteve kujtuan se gati 50 000 njerëz nuk kanë marrë kompensim që nga mbyllja e mëparshme.

Më herët sot, Ministri në detyrë i Shëndetësisë Stojço Kacarov njoftoi se pavarësisht protestave, urdhri me masat e reja kufizuese nuk do të ndryshohet.