Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shën Ivan Rillski – mbrojtës i mjekëve bullgarë

Foto: BGNES

Ditën, në të cilën Kisha Ortodokse Bullgare nderon kujtimin e mbrojtësit qiellor të Bullgarisë Shën Ivan Rillski Çudibërës, mjekët në vend shënojnë festën e tyre. Ajo festohet që prej 25 vitesh e këtej me iniciativë të Bashkimit të Mjekëve Bullgarë, i cili në vitin 1995 e zgjodhi shenjtorin mbrojtës të personelit mjekësor. Sipas legjendës, si gjatë jetës ashtu edhe pas vdekjes, shenjtori më i nderuar bullgar ndihmonte, me ndihmën e Zotit dhe me lutjet e tij të zjarrta, shumë njerëz të sëmurë të rikthejnë shëndetin e tyre. Kjo është arsyeja për të cilën mjekët bullgarë e zgjodhën mbrojtës të tyre.

Supozohet se Ivan Rillski lindi rreth vitit 876 në fshatin Skrino, pranë qytetit të sotëm Dupnica të Bullgarisë Jugperëndimore. Para se të hynte në Manastirin “Shën Dimitrij” në malin Vllahina, ai ishte bari. Në këtë manastir të shenjtë ai mori arsimin e tij shpirtëror dhe u shugurua murg, pas së cilës iu përkushtua oshënarisë me lutje, agjërim dhe mundime trupore. Ai brodhi shumë vendeve nëpër tokat bullgare përderisa u vendos në Shkretëtirën e Rillës – kështu dikur e quajtën malin Rilla, i cili ishte i shkretë dhe i banuar vetëm nga kafshë të egra. Aty oshënari mbeti të jetojë deri në fund të jetës dhe me disa ithtarë themeloi manastirin me të njëjtin emër – i cili u kthye në një vatër të shpirtit dhe arsimit bullgar.


Sot, Manastiri i Shenjtë i Rilës është manastiri më i madh stavropigal (që është nën juridiksionin e Sinodit të Shenjtë) në Bullgari. Prandaj dhe festa e Shën Ivan Rillskit shënohet me solemnitet të madh në të gjitha kishat e vendit.

Besohet gjithashtu se shenjtori më i respektuar dhe i njohur bullgar është mbrojtësi i zjarrtë i popullit bullgar para Zotit si dhe i iluministëve bullgarë. Për këtë arsye më 19 tetor një sërë institucionesh mësimore që mbajnë emrin e tij shënojnë festën. Ndër ta janë Seminari Teologjik në Sofje, si dhe Universiteti i Minierave dhe i Gjeologjisë “Shën Ivan Rillski”.

Sipas traditës më 19 tetor dorëzohet çmimi “Mjek i Vitit”. Ashtu si vitin e kaluar, të shënuar nga pandemia e koronavirusit, vetëmohimi i mjekëve bullgarë që punojnë në vijën e parë në luftën kundër virusit bie në sy.

Përpilues: Darina Grigorova

Përgatiti në shqip: Svetllana Dimitrova

Foto: BGNES dhe arkiv




Последвайте ни и в Google News Showcase, за да научите най-важното от деня!

Më shumë nga rubrika

Çezma Elia në Nikopoll është e mbuluar me vargje të buta dashurie

E quajnë Nikopollin "qytetin e shekujve" për shkak të historisë së tij mijëravjeçare. Ai u shfaq si vendbanim qysh në vitin 169 pas Krishtit gjatë kohës së perandorit romak Mark Aureli. Në vitin 629, perandori bizantin Nikifor III Foka e riemëroi..

botuar më 25-02-02 9.45.PD
Mbreti Boris III (1894-1943)

Mbreti bashkues Boris III në kujtimet e djalit të tij Simeon Sakskoburggotski

Mbushen 131 vjet nga lindja e Mbretit Boris III, i cili mbeti në kujtesën bullgare me përkufizimin që i dha populli dhe historia - Bashkues. Boris Sakskoburggotski qëndroi në krye të vendit pas abdikimit të Mbretit Ferdinand pas disfatës së..

botuar më 25-01-30 6.55.PD

Mbetjet e instalimeve ushtarake romake nga shekulli I japin informacion të ri për jetën pranë qytetit danubian Llom

Gërmimet arkeologjike në lagjen Kaleto të qytetit të Danubit Llom zbuluan mbetje të strukturave mbrojtëse romake që datojnë nga shekulli I pas Krishtit. Gërmimet, të udhëhequra nga krye asistenti Dr. Vlladisllav Zhivkov nga Instituti Kombëtar..

botuar më 25-01-26 6.45.PD