Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një kullë trekëndore prej 1800 vitesh u zbulua pranë Sofjes

Foto: historymuseum.org

Fortesa Urviç përsëri zbulon sekretet e saj – këtë herë nga koha kur Sofja ka qenë Serdika romake. Një kullë trekëndore prej guri, e datuar nga fundi i shekullit të II, u zbulua nga arkeologët e rinj Dr. Filip Petrunov dhe Violina Kiriakova në ditët e fundit të gërmimeve arkeologjike, të financuara nga Bashkia e Sofjes. Zbulimi u bë në një thellësi prej 1,7 metrash, ku arkeologët hasën struktura të mëdha prej guri me plan të pazakontë trekëndor. Shkencëtarët supozojnë se ndërtimi është bashkëkohës me zhvillimin e Serdikës – emri që ka pasur kryeqyteti ynë i sotëm në kohët antike, kur ishte qendër e një province të Perandorisë Romake.

Shihni më tepër nga arkivi i Radio Bullgarisë:


Ky është ndërtimi më i hershëm i zbuluar deri më tani në territorin e Urviçit dhe shënon fillimin e rolit të tij strategjik që në Antikitet. Në këtë përfundim na çon edhe fakti që monedhat më të vjetra të zbuluara deri tani në territorin e gërmimeve datojnë nga sundimi i perandorit romak Karakala (211–217). Interes paraqet edhe struktura e kullës, e cila është riparuar disa herë në epokat pasuese. 



Veçanërisht e rëndësishme është monedha bizantine e perandorit Isak II Angell (1185–1195), e cila tregon për rindërtime në fund të shekullit XII. Kjo tregon se kulla trekëndore ka ruajtur rëndësinë e saj strategjike për më shumë se një mijëvjeçar.



Paralelisht me zbulimet arkeologjike, në vend janë vendosur edhe tabela të reja informuese, të cilat e lehtësojnë vizitën e vizitorëve dhe i njohin me zbulimet më të rëndësishme.

Përpiloi: Veneta Nikollova

Përgatiti në shqip dhe publikoi: Sindi Nikollofski

Foto: historymuseum.org


Последвайте ни и в Google News Showcase, за да научите най-важното от деня!

Më shumë nga rubrika

Një studim i ri hedh dritë mbi jetën kishtare të bullgarëve në Besarabi

Më 29 tetor shënohet Dita e Bullgarëve Besarabë. Ideja për këtë festë lindi në vitin 1938, kur në Bullgari u shënua solemnisht 100-vjetori i shenjtërimit të kishës katedrale “Shpërfytyrimi i Zotit” në qytetin Bolgrad në Ukrainë. Në këtë datë, në..

botuar më 25-11-10 6.10.PD

Politikanë, diplomatë dhe ushtarakë – heronjtë e një muzeu të ri në Sofje

"Për mua periudha nga Çlirimi deri në vitin 1944 është jashtëzakonisht e rëndësishme dhe e vlefshme, sepse mendoj se atëherë Bullgaria ka qenë në rrugën e drejtë të zhvillimit të saj. Ka pasur shumë personalitete me virtyte dhe vlera të jashtëzakonshme,..

botuar më 25-11-02 8.00.PD

Para 840 vjetësh, mbretërit Petër dhe Asen rivendosën shtetin bullgar

Në vitin 1018, pas një gjysmë shekulli luftimesh, Mbretëria e Parë Bullgare (681 – 1018) u pushtua nga Bizanti. Pavarësisht shumë kryengritjeve të bullgarëve, pushteti i Kostandinopojës zgjati pothuajse dy shekuj. Në vjeshtën e vitit 1185 ose..

botuar më 25-10-26 9.15.PD