Bullgaria është plotësisht e përkushtuar të punojë për të reduktuar emetimet e gazeve serrë me 55% deri në vitin 2030 dhe për neutralitetin klimatik deri në vitin 2050. Këtë e deklaroi kryeministri i përkohshëm Stefan Janev para Konferencës së OKB-së për Klimën në Glasgow. Vendi do të përmbushë detyrimet e tij sipas Marrëveshjes së Parisit dhe legjislacionit të BE-së, premtoi Janev. Ai theksoi se shndërrimi i ekonomisë në një tranzicion të gjelbër duhet të ketë parasysh specifikat kombëtare në mënyrë që procesi të jetë i drejtë. Kryeministri vuri në dukje se një udhërrëfyes i ri për dekarbonizimin e industrisë bullgare është përfshirë në planin e dorëzuar për rimëkëmbjen dhe qëndrueshmërinë në BE, që parashikon ndërprerjen e përdorimit të qymyrit deri në vitet 2038-2040.