Orkestra Simfonike e Radios Kombëtare Bullgare fton publikun e saj më 5 nëntor në sallën “Bullgaria”. Koncerti është me moton "Në Botën e Re". Ndër veprat e zgjedhura nga kryedirigjenti Mark Kadin janë "Demi në çati" – një vepër e Darius Milhaud, dy vepra të George Gershwin - “Uvertura Kubane” dhe “Rapsodia në Blu” etj. Solisti në "Rapsodi në Blu" është Mirosllav Petkov. Ai është profesor trumbete në Konservatorin e Amsterdamit dhe trumbetar i parë i Orkestrës Mbretërore /Royal Concertgebouw Orchestra/. Mirosllav Petkov është bullgari i dytë në orkestrën prestigjioze pas Vesko Eshkenazit - koncertmaster që prej dekadash.

Koncerti më 5 nëntor është shfaqja e parë e trumbetarit të ri si solist i Orkestrës Simfonike të Radios Kombëtare Bullgare, që është një përvojë shumë e veçantë dhe e rëndësishme, tha ai në një intervistë për Radion Kombëtare Bullgare.

Përpiloi: Allbena Bezovska

Përgatiti në shqip: Vesella Mançeva