Në moshën 92 vjeçare në Britaninë e Madhe vdiq Ivan Stançov – një diplomat i shquar bullgar dhe ministër i punëve të jashtme i Bullgarisë (1994-1995).Sipas shembullit të gjyshit të tij, Dimitër Stançov, ambasador në Britaninë e Madhe (1908, 1922 -1924), ministër i jashtëm (1906) dhe kryeministër i Bullgarisë (1907), ai gjithashtu la një gjurmë të ndritshme në historinë e vendit tonë si patriot dhe aktivist shoqëror i përkushtuar. Në vitin 1943 familja e tij emigroi për arsye politike, por pas ndryshimeve demokratike Stançov u kthye në Bullgari në vitin 1990. Pak më vonë u emërua ambasador në Britaninë e Madhe, ambasador i parë bullgar në Irlandë, dhe pas kësaj edhe ministër i jashtëm, kryetar nderi i Këshillit Konsultativ Kombëtar të Institutit Diplomatik. Është mbajtës i një sërë çmimesh prestigjioze ndërkombëtare si për veprimtarinë e tij si diplomat, ashtu edhe për iniciativat e panumërta bamirëse.
Ai është i vetmi bashkëkohës bullgar të cilit që kur ishte gjallë iu emërtua një shkollë.
“Ivan Stançov i shërbente Bullgarisë me përkushtim, duke kontribuar me shumë zell në ndërtimin dhe promovimin e imazhit të saj të ri dhe demokratik - shkruan kreu i shtetit Rumen Radev në një letër ngushëllimi drejtuar familjes, kolegëve dhe të afërmve të diplomatit bullgar. - Po humbasim një bullgar të denjë, që mbante thellë në zemër shpirtin e Rilindjes Bullgare.”
Ministria e Punëve të Jashtme e Bullgarisë gjithashtu u shpreh ngushëllimet më të sinqerta familjes dhe të afërmve të Ivan Stançovit. “Do ta mbajmë mend me patriotizmin dhe shqetësimin për fatin e Bullgarisë, me profesionalizmin, zemrën dhe shpirtin e tij të gjerë - shkruhet në adresën e ngushëllimit të Ministrisë së Punëve të Jashtme. - Ai e mbështeste me zjarr zhvillimin e vendit tonë që në agimin e demokracisë. Ivan Stançov nuk pushoi së angazhuari në aktivitete bamirësie përmes Fondacionit të tij “Karin Dom” për të ndihmuar fëmijët me nevoja të veçanta dhe familjet e tyre.Vdekja e tij është një humbje e madhe për ne!”
“Një person i jashtëzakonshëm, një patriot dhe një zotëri i madh”, shkroi drejtoresha e Institutit Diplomatik, Tanja Mihaillova. Një burrë i madh, rilindës dhe mik i mirë, që lë pas një gjurmë të ndritshme…
U prefsh në paqe, miku im!”
Një grua e jashtëzakonshme bullgare, muzikante dhe artiste virtuoze e fizarmonikës u kthye dhe solli të gjitha koncertet e saj në atdhe. Kjo është Veronika Todorova, e cila prej afro 20 vitesh ndërton një karrierë të suksesshme si dirigjente dhe muzikante..
Zhasmina Panajotova është një bullgare që jeton prej 35 vitesh në Suedi. Ajo është përkthyesja e parë e betuar nga suedishtja në bullgarisht dhe punon në sferën sociale, në gjykatë, në polici, në spital... Megjithatë, në kohën e lirë, kamera e..
Ai ka performuar në disa nga skenat më të mëdha botërore. Thotë se nuk është nga ata muzikantë që kanë emocione para shfaqjes, por kur qëndron përballë publikut të tij vendas, të Varnës, gjërat ndryshojnë. E gjithë “pesha” e famës dhe krenarisë ndihet..